सुनसरीको बराहक्षेत्र नगरपालिकाको स्वास्थ्य संस्थाहरुको सामाजिक परीक्षण कार्यक्रम गर्ने क्रममा मधुवन प्राथमिक स्वास्थ्य केन्द्रमा संघीयता पछि पहिलो पटक एतिहासिक रुपमा परीक्षण कार्यक्रम सम्पन्न गरिएको छ ।

बराहक्षेत्रको स्वास्थ्य संस्थाहरुको सामाजिक परीक्षण गर्ने क्रममा मधुवनमा सामाजिक परीक्षण कार्यक्रम सम्पन्न गरेको हो । बराहक्षेत्र नगरपालिका ११ मधुवन स्थित प्राथमिक स्वास्थ्य केन्द्रको आफ्नै सभा हलमा सामाजिक परीक्षण कार्यक्रमको प्रारम्भिक प्रतिवेदन प्रस्तुतीकरण कार्यक्रम सम्पन्न गरेको छ । आर्थिक वर्षको अन्तमा अनिर्वाय रुपमा सामाजिक परीक्षण गर्नुपर्ने भएकाले कार्यक्रमको आयोजना गरीएको हो ।
बराहक्षेत्रको स्वास्थ्य संस्थाको सेवा प्रवाहलाई समुदायले कसरी महसुस गरेको उपलब्धि, अनुभव, बुझाई र दृष्टिकोण थाहा पाउन भनेर सामाजिक परीक्षण गरेको बराहक्षेत्र ११ स्वास्थ्य केन्द्रका डा.सुनिल चौधरीले जानकारी दिनुभयो ।


डाक्टर चौधरीले आफू स्वास्थ्य केन्द्रमा आएपछी स्वास्थ्य क्षेत्रमा निकै सुधार ल्याएको बताउनुभयो । चौधरीले उपकरण र उपकरण चलाउने जनशक्ती सहित सहित सौचालयको अति आवश्यक रहेको बताउनुभयो ।
कार्यक्रममा मोहन माविका प्रधानाध्यापक भोजराज न्यौपानेले प्राथमिक स्वास्थ्य केन्द्रको रिक्त रहेको एक जना एमबीबीएस डाक्टरको तत्काल पद पुर्ती गर्नुपर्ने, केन्द्रलाई अस्पातलको रुपमा स्तोरोन्नती गर्नुपर्ने , २४ घण्टे आकस्मिक सहितको सेवा दिन पहल गर्नुपर्ने, प्रयोगशाला तथा ऐ क्सरे सेवा प्रभावकारी चलाउनुपर्ने र जनशक्ती थप गर्नुपर्ने बताउनुभयो । उहाँले भएको जनशक्तीले राम्रो काम गरेको, भएको औषधी वितरण गरेको बताउनुभयो ।


सहभागी महिला स्वास्थ्य स्वयमसेविका पुनमकुमारी मेहताले आफूहरुलाई तालिम सहित स्वास्थ्य किट, त्रिपाल, छाता र टर्च लाईट सहितको व्यवस्था गर्नुपर्ने सुझाव दिनुभयो ।


सहभागी महेन्द्र खत्वेले प्राथमिक स्वास्थ्य केन्द्रलाई १५ सैयाको अस्पातलको रुपमा स्तोरोन्नती गर्नुपर्ने, २४ घण्टे आकस्मिक सहितको सेवा दिन पहल गर्नुपर्ने, औषधीको व्यवस्था नियमित गर्नुपर्ने तथा ऐक्सरे सेवा चलाउनुपर्ने र तत्कालका लागि जनशक्ती थप गरी विपन्नलाई सेवा प्रभावकारी दिनुपर्ने सुझाव दिनुभयो ।
त्यसैगरी जनता मावि मधुवनका प्रधानाध्यापक गंगा प्रसाद यादवले कम जनशक्तीमा राम्रो सेवा दिएको बताउनुभयो । उहाँले भएको राम्रो कामलाई अझै राम्रो बनाउन पहल गर्नुपर्ने, भौतिक पूर्वाधार निर्माण देखी ल्यावको थप व्यवस्था र बिमा तथा निशुल्क औषधी वितरणलाई प्रभावकारी बनाउनुपर्ने बताउनुभयो ।
स्वास्थ्यकर्मी हिमा मगरले आफूहरु सेवा गर्नआएको स्वास्थ्य संस्थामा अझ सधुार गर्न आएको सुझावलाई ध्यानमा राखेर काम गर्ने प्रतिवद्धता जनाउनुभयो । उहाँले बेलाबखतमा निशुल्क औषधी र विमाका औषधी अभाव भएकाले त्यसको मार सेवाग्राहीलाई मात्रै नभएर पनि आफूहरुलाई नियमित सेवामा असर परेको बताउनुभयो ।


सहभागी तसेवर खानले प्रयाप्त औषधीको व्यवस्था गर्नुपर्ने, दैनिक सेवा प्रवाह गर्नेहरुको ब्यावहार अझै सुधार हुनुपर्नेे सुझाव दिनुभयो ।
बराहक्षेत्र नगरपालिका ११ का वडा अध्यक्ष कृष्ण कुमार महतोको अध्यक्षमा सम्पन्न कार्यक्रमको सहजीकरण एवं संचालन सामाजिक परीक्षक जयकृष्ण यादवले गर्नुभएको थियो । सम्पन्न सामाजिक परीक्षण प्रारम्भिक प्रतिवेदन प्रस्तुत कार्यक्रममा सहभागीहरुले उतम कार्यक्रम भएको बताउनुभयो । पहिलो पटक सामाजिक परीक्षण गरेर आफ्नो विवरण र प्रतिवेदन सार्वजनिक गर्दै नागरिक तथा सरोकारबालाहरुसंग पृष्टपोषण लिने काम गरेकोमा सहभागीले प्रसंसा गर्नुभयो ।

कार्यक्रममा निवर्तमान वडा अध्यक्ष केदार विष्टले आफूहरुको पालामा १५ सैयाको अस्पतालमा स्तोरोन्ती गर्ने पहल भएपनि केही कारणबस नभएकाले अहिलेको स्वास्थ्यमा निकै सुधार ल्याउने काम भएको बताउनुभयो । उहाँले हप्तामा एक दिन भएपनि स्वास्थ्य परीक्षणका लागि ऐक्सरे, ल्यावको उपकरण र जनशक्ती आवश्यक रहेको बताउनुभयो ।


सेवा प्रदायक निकाय वा संस्थाको नीति, नियम, कार्यक्रम कार्यान्वयन, व्यवहार, स्रोत परिचालन, अनियमितता, पारदर्शिता र प्रभावकारिताबारे सम्बन्धित सेवाग्राही, सेवाप्रदायक÷व्यवस्थापकीय पक्ष तथा सरोकारवालाहरुको धारणाका आधारमा गरिने विश्लेषणात्मक लेखाजोखा नैं सामाजिक परीक्षण भएकाले सरोकारबालाहरुको बीचमा कार्यक्रम गरेको हो ।