अनिल श्रेष्ठ । इनरुवा

इनरुवा नगरपालिका क्षेत्र भित्रका सवै १० वार्डका विभिन्न पेशा, ब्यबसाय र क्षेत्रमा आवद्ध युवाहरूको भेलाले ईनरुवामा युवा लक्षित “सकारात्मक सोच र ब्यक्त्तिव बिकास” सम्बन्धि विभिन्न कार्यक्रम साथै नगर भित्रका महत्त्वपूर्ण प्रमुख जनसरोकारका बिषयहरूमा छलफल र अन्तरक्रिया कार्यक्रमहरू अगाडि बढाउने लक्ष्य सहित परिवर्तनका लागि हामी (WE FOR CHANGE) अभियान थालनी गरेका छन् ।


भेलाको  संयोजन गरेका अभियान्ता लोकेश निरौलाले यो अभियान लुज फोरमको रूपमा रहने र सवैको  समान  हैसियत अभियान्ताको रूपमा रही अगाडि बढने बताउनुभयाे ।   भेला उत्साह जनक रूपमा सम्पन्न भएको सहभागीहरूले बताएका छन् । अभियानमा एक आपसमा हातेमालो गर्न ईनरुवाबासीहरूलाई अभियान्ताहरुले सामुहिक आव्हान गरेका छन् ।

ईनरुवाका युवाहरूद्वारा ‘परिवर्तनका लागि हामी’ अभियानको थालनी, सकारात्मक सोच र नेतृत्व विकासमा जोड :

साझा भेलाले ‘परिवर्तनका लागि हामी’ (WE FOR CHANGE) नामक अभियानको थालनी गरेको छ। इनरुवामा युवा लक्षित ‘सकारात्मक सोच र व्यक्तित्व विकास’ सम्बन्धी कार्यक्रमका साथै नगरभित्रका महत्त्वपूर्ण प्रमुख जनसरोकारका विषयहरूमा छलफल तथा अन्तरक्रिया अगाडि बढाउने लक्ष्यका साथ अभियानको सुरुआत गरिएको हो।

​भेलालाई सम्बोधन गर्दै अभियानका संयोजक एवं अभियान्ता लोकेश निरौलाले यो अभियान कुनै औपचारिक वा साँगठानिक ढाँचामा भन्दा पनि एउटा खुला मञ्च (‘लुज फोरम’) को रूपमा रहने जानकारी दिनुभयो। “हामी फरक-फरक राजनीतिक विचारधारा वा क्षेत्रमा आबद्ध भए पनि समाज सुधार र असल नेतृत्व निर्माणको साझा मुद्दासँग जोडिएका छौँ,” अभियान्ता निरौलाले भन्नुभयो, “अभियानमा कुनै सानो-ठूलो पद हुने छैन, सबै सहभागीको समान हैसियत र भूमिका अभियान्ताकै रूपमा रहनेछ।”

​उहाँका अनुसार राजनीतिक रूपमा विचार र दर्शन फरक भए तापनि समाज रूपान्तरणका लागि असल, पारदर्शी र उत्तरदायी नेतृत्व हुनुपर्छ भन्ने साझा संकल्पका साथ युवाहरू एकाकार भएका हुन्।

​कार्यक्रममा बोल्दै अर्का अभियान्ता अनिल श्रेष्ठले युवा पुस्तामा सकारात्मक सोचको विकास, क्षमता अभिवृद्धि र स्थानीय जनसरोकारका मुद्दाहरूमा निरन्तर खबरदारी आवश्यक रहेको बताउनुभयो। समाजमा व्याप्त विकृति हटाउन र नगरको विकासमा युवाहरूको सिर्जनात्मक भूमिका बढाउन अभियानले विभिन्न सचेतनामूलक तथा सशक्तीकरणका गतिविधिहरू सञ्चालन गर्ने उहाँले स्पष्ट पार्नुभयो।

​अत्यन्त उत्साहजनक र थुप्रै युवाहरूको उपस्थितिमा सम्पन्न उक्त भेलाले इनरुवाको समग्र समृद्धि र सकारात्मक परिवर्तनका लागि सम्पूर्ण इनरुवावासीहरूलाई हातेमालो गर्न सामूहिक आह्वानसमेत गरेको छ। आगामी दिनमा नगरका हरेक वडा र समुदायस्तरसम्म पुगेर सकारात्मक सोच, व्यक्तित्व विकास तथा नागरिक सरोकारका विषयमा संवाद कार्यक्रमहरूलाई तीव्रता दिइने अभियानले जनाएको छ।