सुनसरीको इनरुवा नगरपालिकामा निर्वाचित जनप्रतिनिधिहरुले पदभार ग्रहण गरेको एक वर्ष वित्दा समेत खासै सन्तोशजनक काम नगरेको भन्दै युवाहरुले दबाब स्वरुप खबरदारी गरेका छन् । दजर्नौ युवाहरु इनरुवाको लोकतान्त्रिक इनार चौकमा सडकमै बसेर स्नथानीय सरकार एक वर्षमा के गर्नुभयो ? विकास कति भयो ? विकास खोई ? बाचा गरेको कती पुरा गर्नु भयो ? लगायतका प्ले कार्ड पर्दशन गरेका छन् ।

जनता समाजवादी पार्टी नेपालका इनरुवाका मेयरका प्रत्यासी दिलिपचन्द साहु, शिक्षित युवा राकेश निरौला, सबिस पोखरेल, रामकुमार यादव सहितको अगुवाईमा युवाहरुले दबाब स्वरुप खबरदारी गरेका हुन् । सहभागीहरुले जनताबाट निर्वाचित भएर पदभार ग्रहण गरेको एक वर्ष वित्दासम्म किन काम नभएको, भ्रष्टाचार किन बढेको प्रश्न गरेका थिए । यहाँ प्रत्येक वडामा काम भन्दा कुरा र भाषणमै बजेट कुम्लयाउने काम भएको आरोप लगाएका छन । कतिपय जनप्रतिनिनिधिहरु पारिवारिक भ्रमण देशभरी ठाउँठाउँमा गरेकाले भन्दै आर्थिक पारदर्शिता र पारदर्शिता सहितको विकासको माग गरेका छन् ।