जयकृष्ण यादव । इनरुवा
इनरुवा,फागुन २४ गते । सुनसरी निर्वाचन क्षेत्र २ मा राष्ट्रिय स्वतन्त्र पार्टी (रास्वपा) का लालविक्रम थापाले झण्डै तेब्बर मतान्तरले बिजयी हुनुभएको छ । साझ सम्पन्न भएको मतगणना अनुसार थापाले ५७ हजार ४४८ मत पाउनुभई बिजयी हुनुहुनेएको छ । उहाँको निकटतम प्रतिस्प्रधीहरु भन्दा झण्डै ३९ हजार मतले अगाडी हुनुहुन्छ । अब सात हजार मत गणना हुन बाकी रहदाँ नेपाली काग्रेंसका राजिव कोईरालाले १६ हजार ७१ मत पउनुभएको छ । त्यसैगरी नेकपा एमालेका सुजन लामाले आठ हजार ३०३ मत पाउनुभएको छ । श्रम संस्कृति पार्टीका चेतन राईले सात हजार ४८४ मत, नेपाली कम्युनिष्ट पार्टीका रामकुमारी चौधरीले एक हजार ८१६ मत पाउनुभएको छ । थापाले कुल खसेको मत एक लाख एक हजार ६७० मत मध्ये थापाले ५७ हजार ४४८ मत पाउनुभई बिजयी हुनुहुनेएको छ ।

यो निकतटम प्रतिस्प्रधीको भन्दा ४१ हजार २७७ बढी मत पाउनुभएको छ । गत निर्वाचनमा यसै क्षेत्रबाट एमालेसंग पराजित थापा तेस्रो स्थानमा रहेकोमा यसपाली गत निर्वाचनका विजेता एमाले र उपविजेता नेपाली काग्रेंसको भन्दा तीन गुणा बढी मत सहित विजयी हुनुभएको छ । थापाले विजयी भएको प्रमाण पत्र निर्वाचन अधिकृत राजेन्द्र कुमार लम्सालबाट प्राप्त गर्नुभएको छ । थापाले प्रमाण पत्र बुझेपछी गोरखापत्रकर्मीसंग प्रतिकृया दिनुहुदै सुनसरीको शिक्षा, सिचाई, स्थास्य र सडक प्राथमिक्तामा राखेर काम गर्ने बताउनुभयो । उहाँले देशको अनुकुल ऐन कानुनसगैं देशको विकास र सुशासन सहित समृद्धिका लागि काम गर्ने प्रतिबद्धता जनाउनुभयो । उहाँले सुनसरीका मतदाताहरुलाई आफूलाई विश्वास गरेर आपार जनमत दिएकोमा धन्यबाद दिनुहुदै आफुले नागरिकसंग नियमित संवादमा रहने र तीन तीन महिनामा सार्वजनिक सुनुवाई तथा नागरिक सुनुवाई समेत गर्ने बताउनुभयो ।


१, सुनसरी निर्वाचन क्षेत्र २ बाट निर्वाचित हुनुभएका राष्ट्रिय स्वतन्त्र पार्टी (रास्वपा) का लालविक्रम थापाले विजयी भएको प्रमाण पत्र ग्रहण गर्नुहुदै ।
तस्विर ः जयकृष्ण यादव । इनरुवा