करण यादव । इनरुवा
इनरुवा, असोज ७ गते । सुनसरी सदरमुकाम इनरुवामा साङ्केतिक भाषाहरूको अन्तराष्ट्रिय दिवसको अवसरमा विभिन्न कार्यक्रमको आयोजना गरिएको छ । इनरुवामा जनचेतनामुलक ल्याली, अन्तरकृया र छलफल कार्यक्रमको आयोजना गरि साङ्केतिक भाषाहरूको अन्तराष्ट्रिय दिवस मनाइएको हो । बहिरा हित तथा संरक्षण समाज इनरुवा, सुनसरीको आयोजनामा विहान इनरुवा बसचौक ट्राफिक कार्यालयको अगाडी अपांगता भएका व्यक्तिहरु र सरोकारबालाहरु भेला भई शहिद मेट हुदै इनरुवा नगरपालिकाको कार्यालयको हलमा कोण सभा र अन्तरकृया गर्दै दिवशको कार्यक्रम समापन गरिएको छ । सयौंको संख्यामा सहभागीहरुले सबैलाई सम्मान व्यवहार गर्नुपर्ने, अपांगता भएकाहरुलाई होला, दुव्र्यवहार गर्न नहुने सन्देश सहित उनीहरुको सहभागितामा कार्यक्रम गरेको इनरुवा नगरपालिकाले जनाएको छ । समाजका अध्यक्ष मो. अरसद मियाँको अध्यक्षता तथा इनरुवा नगर प्रमुख केदार भण्डारीको प्रमुख आथित्यतामा कोण सभा र अन्तरकृया कार्यक्रम सम्पन्न भएको आयोजकले जनाएको छ । कार्यक्रममा विषेश अथिति इनरुवा उपप्रमुख विनिताकुमारी मेहताले संंयुक्त राष्ट्र संघको १५ डिसेम्बर २०१७ मा बसेको ७२ औं महासभाले हरेक वर्ष सेप्टेम्बर २३ लाई साहेतिक भाषाहरुको अन्तराष्ट्रिय दिवसका रुपमा मनाउने प्रस्ताव पारित गरेको सन्दर्भमा इनरुवामा पनि कार्यक्रम गरेकोमा आफूलाई खुसी लागेको बताउनुहदै दिवशको शुभकामना दिनुभएको थियो ।https://jajnews.com/?p=12657


समाजका सल्लाहकार तथा दृष्टीविहिन समाजका सम्भु भट्टराईले समाज सहित अपांगता भएकोहरुको सहभागीता र विश्व बहिरा महासंघले यस वर्षको सातौं साड्रेतिक भाषाहरुको अन्तराष्ट्रिय दिवस मनाएको बताउनुभयो । उहाँले दिवशको मूल नारा “साङ्केतिक भाषा अधिकारका लागि सङ्केत गरौं” रहेकोले सोही नाराका साथ इनरुवामा सचेतनामूलक र्याली प्रभातफेरी कार्यक्रम र अन्तरकृया गरेको जानकारी दिनुभयो । कार्यक्रममा सहभागीहरुले बहिरा नागरिकहरुको पहिचान तथा अधिकारप्रति ऐक्यवद्धता जनाउनुपर्नेमा जोड दिएका थिए । कार्यक्रमको सञ्चालन क्षितिज भगतले गर्नुभएको थियो । यसैबीच बहिरा समाजको छैठौं बार्षिक साधारण सभा र तेस्रो अधिवेशन सम्पन्न भएको छ ।